LIHAM MULA SA PANDAYAN Sulat ng isang Kapwa Panday ng Pandayan Bookshop

Akda ni John Martin Beray, Canlubang

Minsan ‘di ko inakala, mapunta sa isang kumpanya,

Kung saan tinuturo, magandang halimbawa

Pag-uugali at kaalaman ay nahuhubog ng kusa

Talentong naitatago ay nailalabas ng sadya

Sa limang taon ng pagtatrabaho,

Malaki na ang aking pagbabago

Napaunlad ang sarili patungo sa pag-asenso

Magandang bukas siguradong aking matatamo

Hindi madali aking mga naging laban

Kaakibat ang sakit, mga karamdaman

Nagdaang panahon tila kailan lang

Puno ng hapdi at pag-aalinlangan

Pandemya man ay nagdaan, ang kompanya ako’y tinulungan

Sapat na pagkain sa hapag ‘di ko malilimutan

Kasama ang suporta ng mga tunay na kaibigan

Kapwa at tagapagpatupad na totoo at maaasahan.

Ngayong bagong kabanata aking sinusuong

Mga bagong pagsubok sa daan ko’y nagsiusbong

Mga bagong tungkulin man sa akin nakaatang

Gagampanan ko ito ng walang atrasan

Daanan man muli ng mga pagsubok

Lalaban at ‘di susuko

Dios ang aking sandigan, upang tagumpay ay makamtan

Saan man magdaan ay tiyak na may kalalagyan.

Pagpapakatao, Pakikipagkapwa-tao at Pagkamakatao

Panghahawakan, hindi magbabago

Kabutihan sa iba patuloy na ipapalaganap

Pandayan Bookshop, maraming salamat!